si manang mani

matagal ko nang nabalitaan na na-feature si manang mani sa mel & joey, ang talk show sa gma-7. di ko nga lang napanood.

kanina napanood ko na sya finally sa sayote republic.

si manang mani, nakita na ata akong tumanda, at lumaki (at oo, tumaba). simula first year high school, hanggang sa gumradweyt ako, kumakain ako ng mangga na benta ni manang mani.

ganito yan. ang baon ko, 5 pesos. ang mangga, 5 pesos. so pupunta ako sa kanya bago ako papasok. kakain ako ng mangga ng 730 ng umaga. tapos babayaran ko yun. wala na akong baon ng hapon kaya kinabukasan na ako ulit kakain ng mangga.

eh nalaman ko na nagpapautang pala si manang mani. kaya ang naging gawain ko ng apat na taon, uutang ako ng mangga sa umaga kasi yung baon ko, ibabayad ko sa inutang kong mangga nung nakaraang hapon. apat na taon akong pinapautang ni manang mani. at hindi sya naniningil. nagbabayad kami ng kusa. hindi naman ganoon kalaki ang kinikita sa mani at mangga. pero ni minsan hindi nagdamot si manang.

minsan, uupo ako dun para magsumbong o magkwento kay manang. nung bawal pa akong mag-boyfriend, kay manang ako nagbibilin para dun sa boyfriend ko. nasubaybayan niya na rin ang lablayp ko at ang buhay ng mga kapatid ko na nag-aral din sa up. gaya nung sabi sa video, nag-iiwan din ako ng gamit kay manang. o nag-iiwan ng gamit para sa akin doon sa pwesto nya.

ngayon, di na ako umuutang. pumupunta na ako kay manang mani para kumain ng mangga, at umorder ng alamang. may pambayad na kasi ako ngayon.

nakakatuwa. naging simbolo para sa marami si manang mani. isa syang taong marangal, mabait, mapagmahal, mapagbigay. buti naipakita sa mas marami kung paano dapat ang isang tao.

ngayon ko lang nalaman na lolita pala ang pangalan ni manang mani. pero para sa kin, si manang mani pa rin sya.

i lab you manang.